Joriy yilning 24-31-may kunlari Toshkentda Markaziy Osiyo futbol assosiasiyasi (CAFA)ning erkaklar o‘rtasida U-17 musobaqasi bo‘lib o‘tadi.
Bugun musobaqaning guruh bosqichiga qur’a tashlandi. O‘zbekiston terma jamoasi "A" guruhida Eron va Qirg‘izistonga qarshi o‘yinlarda ishtirok etadigan bo‘ldi. "B" guruhidan Afg‘oniston, Tojikiston va Turkmaniston terma jamoalari o‘rin olishdi.
Sergey Chigodayev boshchiligidagi jamoamiz ertaga Qirg‘izistonga qarshi ilk turni o‘tkazsa, 28-may kuni Eronga qarshi maydonga tushadi. Guruh g‘oliblari 31-may kuni finalda to‘qnash kelishadi.















