"Tottenxem" hujumchisi Son Xyon Min yozgi transfer oynasida jamoani tark etishi mumkin. Janubiy koreyalik futbolchiga Saudiya Arabistoni klublari qiziqish bildirayotgani haqida xabarlar bor.

Son yozda 33 yoshga to‘ladi va uning "shporlar" bilan amaldagi shartnomasi yana bir mavsumga mo‘ljallangan. The Independent xabariga ko‘ra, shartnoma muddati bir yildan keyin tugashiga qaramay, "Tottenxem" Sonning transferi bo‘yicha faqat ishonchli takliflarni ko‘rib chiqishga tayyor.

Qisqasi, londonliklar sardorini arzonga sotmaydi. Qayd etish kerakki, Transfermarkt portali ekspertlari Son Xyon Minni 20 million yevroga baholamoqda.