"Тоттенхэм" ҳужумчиси Сон Хён Мин ёзги трансфер ойнасида жамоани тарк этиши мумкин. Жанубий кореялик футболчига Саудия Арабистони клублари қизиқиш билдираётгани ҳақида хабарлар бор.
Сон ёзда 33 ёшга тўлади ва унинг "шпорлар" билан амалдаги шартномаси яна бир мавсумга мўлжалланган. The Independent хабарига кўра, шартнома муддати бир йилдан кейин тугашига қарамай, "Тоттенхэм" Соннинг трансфери бўйича фақат ишончли таклифларни кўриб чиқишга тайёр.
Қисқаси, лондонликлар сардорини арзонга сотмайди. Қайд этиш керакки, Transfermarkt портали экспертлари Сон Хён Минни 20 миллион еврога баҳоламоқда.
