Londonning "Chelsi" klubi bosh murabbiyi Enso Mareska o‘z jamoasiga taklif qilmoqchi bo‘lgan darvozabon borasida bir qarorga keldi.
Jurnalist Fabrisio Romanoning yozishicha, italiyalik mutaxassis Milandan Mayk Menyanni "Stemford Brij"ga taklif qilmoqchi.
Eslatib o‘tamiz, bugun bir qator nufuzli manbalar "Chelsi" "Milan"ga Menyan borasida so‘rov yuborgani haqida xabar bergan edi.
29 yoshli fransiyalik futbolchining shartnomasi bir yildan so‘ng tugaydi, shu bois “rossonerilar” uni sotish haqida jiddiy o‘ylamoqda.
Bundan tashqari, yaqinda Mayk hozirgi klubi bilan yangi shartnoma imzolashdan bosh tortdi.













