"Udineze" himoyachisi Yaka Biyol Italiya A Seriyasini Angliya Premyer-ligasiga almashtirishi mumkin. Jurnalist Nikolo Skiraning ma’lum qilishicha, 26 yoshli sloveniyalik futbolchini "Lids" o‘z safiga qo‘shib olmoqchi.
Ingliz klubi futbolchi uchun 15 million yevro taklif qilgan. Shu bilan birga, Italiya tomoni Biyolning sotuvidan 20 million ishlab olmoqchi. Eslatib o‘tamiz, Moskvaning SSKA klubi futbolchining ehtimoliy transfer summasining o‘n foizini oladi.
Yaka 2022 yilning yozidan beri "Udineze" sharafini himoya qilmoqda. Himoyachining klub bilan amaldagi shartnomasi 2027 yilning yarmigacha mo‘ljallangan. Transfermarkt portali ekspertlari himoyachining bozor narxini 18 million yevroga baholamoqda.
