"Удинезе" ҳимоячиси Яка Бийол Италия А Сериясини Англия Премьер-лигасига алмаштириши мумкин. Журналист Николо Скиранинг маълум қилишича, 26 ёшли словениялик футболчини "Лидс" ўз сафига қўшиб олмоқчи.
Инглиз клуби футболчи учун 15 миллион евро таклиф қилган. Шу билан бирга, Италия томони Бийолнинг сотувидан 20 миллион ишлаб олмоқчи. Эслатиб ўтамиз, Москванинг ЦСКА клуби футболчининг эҳтимолий трансфер суммасининг ўн фоизини олади.
Яка 2022 йилнинг ёзидан бери "Удинезе" шарафини ҳимоя қилмоқда. Ҳимоячининг клуб билан амалдаги шартномаси 2027 йилнинг ярмигача мўлжалланган. Transfermarkt портали экспертлари ҳимоячининг бозор нархини 18 миллион еврога баҳоламоқда.
