Markaziy himoyachi Odilon Kossunu Italiyaning "Atalanta" klubidagi faoliyatini davom ettiradi. Bu haqda jamoa rasmiy sayti xabar bermoqda.
O‘tgan mavsumda 24 yoshli ivuarlik futbolchi ushbu klub safida ijara asosida to‘p tepgan edi. Kossunu o‘tgan yozda Leverkuzenning "Bayer" klubidan ijaraga olingan va "Atalanta" safida 23 ta o‘yinda maydonga tushgandi. U 2 ta sariq kartochka ishlab oldi va 2 ta golli uzatmani amalga oshirdi. Kossunu jamoasi A Seriyada uchinchi o‘rinni egallab, Chempionlar Ligasiga yo‘l oldi. Uning tovon puli 20 million yevroni tashkil etdi.
Kossunu Afrika Millatlar Kubogining amaldagi g‘olibi hisoblanadi. 2023 yilgi turnir finalida Kot-d'Ivuar Nigeriyadan ustun keldi.
