Марказий ҳимоячи Одилон Коссуну Италиянинг "Аталанта" клубидаги фаолиятини давом эттиради. Бу ҳақда жамоа расмий сайти хабар бермоқда.
Ўтган мавсумда 24 ёшли ивуарлик футболчи ушбу клуб сафида ижара асосида тўп тепган эди. Коссуну ўтган ёзда Леверкузеннинг "Байер" клубидан ижарага олинган ва "Аталанта" сафида 23 та ўйинда майдонга тушганди. У 2 та сариқ карточка ишлаб олди ва 2 та голли узатмани амалга оширди. Коссуну жамоаси А Серияда учинчи ўринни эгаллаб, Чемпионлар Лигасига йўл олди. Унинг товон пули 20 миллион еврони ташкил этди.
Коссуну Африка Миллатлар Кубогининг амалдаги ғолиби ҳисобланади. 2023 йилги турнир финалида Кот-д'Ивуар Нигериядан устун келди.
