"Bayer" va Germaniya terma jamoasi hujumkor yarim himoyachisi Florian Virs "Liverpul"ga o‘tishga yaqin turibdi. Bu haqda Sky Sports jurnalistlari xabar bermoqda.
Manbaga ko‘ra, 22 yoshli futbolchining mersisayd grandidagi maoshi bonus to‘lovlarini hisobga olgan holda 15 million yevroni tashkil etadi. Yangi futbolchi maoshi bo‘yicha jamoaning ikki asosiy yulduzi - hujumchi Muhammad Saloh va himoyachi Virjil van Deykdan ortda qoladi.
Germaniya Bundesligasining o‘tgan mavsumida Virts 31 ta o‘yinda ishtirok etgan. Yarim himoyachi o‘nta gol urdi (ikkitasi penaltidan) va 12 ta golli uzatmani amalga oshirdi.
