Myunxenning "Bavariya" klubi yangi a’zosi Jonatan Ta klublar o‘rtasidagi jahon chempionati doirasidagi "Oklend Siti"ga qarshi o‘yinda yirik hisobda g‘alaba qozongani haqida gapirdi.
Germaniya chempioni raqibini 10:0 hisobida taslim etdi.
"Turnirda ajoyib start. Ba’zi vaziyatlarda yaxshiroq o‘ynashimiz mumkin edi, lekin umuman olganda, hammasidan mamnunmiz. Raqibni hurmat qilgan holda, keyingi o‘yinlarda ancha qiyin bo‘lishini tushunamiz. "Bavariya" bu o‘yinlarga tayyor," - deya himoyachining so‘zlarini keltiradi Bayern & Germany.
Klublar o‘rtasidagi JCH guruh bosqichining navbatdagi uchrashuvini Vensan Kompani shogirdlari Argentinaning "Boka Xuniors" klubiga qarshi o‘tkazadi. Uchrashuv 21 iyun, shanba kuni bo‘lib o‘tadi.
