Мюнхеннинг "Бавария" клуби янги аъзоси Жонатан Та клублар ўртасидаги жаҳон чемпионати доирасидаги "Окленд Сити"га қарши ўйинда йирик ҳисобда ғалаба қозонгани ҳақида гапирди.
Германия чемпиони рақибини 10:0 ҳисобида таслим этди.
"Турнирда ажойиб старт. Баъзи вазиятларда яхшироқ ўйнашимиз мумкин эди, лекин умуман олганда, ҳаммасидан мамнунмиз. Рақибни ҳурмат қилган ҳолда, кейинги ўйинларда анча қийин бўлишини тушунамиз. "Бавария" бу ўйинларга тайёр," - дея ҳимоячининг сўзларини келтиради Bayern & Germany.
Клублар ўртасидаги ЖЧ гуруҳ босқичининг навбатдаги учрашувини Венсан Компани шогирдлари Аргентинанинг "Бока Хуниорс" клубига қарши ўтказади. Учрашув 21 июнь, шанба куни бўлиб ўтади.
