"Барселона" ярим ҳимоячиси Родри "Манчестер Сити"дан каталония клубига ўтганидан сўнг ўз фикрларини билдирди. Футболчининг айтишича, унда фаолиятини давом эттириш учун бошқа вариант ҳам бўлган.
"Мен ўйнашга тайёрман. Менда бошқа вариант ҳам бор эди, аммо "Барселона" мен учун доим биринчи танлов бўлиб келган. Бу — буюк клуб. Унинг фалсафаси туфайли "Барселона" мен учун ҳар доим ўзига хос намуна бўлган", — дея Родрининг сўзларини келтиради The Touchline.
Аввалроқ матбуотда Родрини жорий ёзда "Реал" ҳам ўз сафига қўшиб олишга урингани ҳақида хабарлар тарқалганди.
"Барселона" аввалроқ 30 ёшли испаниялик футболчи билан 2030 йил ёзига қадар мўлжалланган тўрт йиллик шартнома имзоланганини эълон қилган.
