Milanning "Inter" klubi markaziy himoyachisi Stefan de Vrey jamoaning yangi bosh murabbiyi Kristian Kivu haqida qanday fikrda ekanini aytdi.
Ruminiyalik mutaxassis joriy oyda Saudiya Arabistonining "Al-Hilol" klubi o‘ziga og‘dirib olgan Simone Indzagining o‘rniga "neradzurrilar" bosh murabbiyi sifatida ish boshladi.
"Kivu - juda qat’iyatli inson. U nimani xohlashini va bizga o‘z g‘oyalari va tamoyillarini qanday yetkazishni biladi. U bir necha kun oldin kelgan bo‘lsa-da, menda ajoyib taassurot qoldirdi. Jamoa juda ijobiy kayfiyatda va istakka to‘la," - dedi de Vrey Mediaset bilan suhbatda.













