Миланнинг "Интер" клуби марказий ҳимоячиси Стефан де Врей жамоанинг янги бош мураббийи Кристиан Киву ҳақида қандай фикрда эканини айтди.
Руминиялик мутахассис жорий ойда Саудия Арабистонининг "Ал-Ҳилол" клуби ўзига оғдириб олган Симоне Индзагининг ўрнига "нерадзуррилар" бош мураббийи сифатида иш бошлади.
"Киву - жуда қатъиятли инсон. У нимани хоҳлашини ва бизга ўз ғоялари ва тамойилларини қандай етказишни билади. У бир неча кун олдин келган бўлса-да, менда ажойиб таассурот қолдирди. Жамоа жуда ижобий кайфиятда ва истакка тўла," - деди де Врей Mediaset билан суҳбатда.
