"Manchester Yunayted" afsonasi Ueyn Runi kelajakda murabbiylikka qaytishi haqidagi savolga javob berdi.
Bu haqda u Talk Sport nashriga bergan intervyusida aytib o‘tdi.
"Ochig‘i, hozirda men shunchaki televideniyeda ishlayapman - men shu ishni qilaman. Men buni yaxshi ko‘raman", - deydi 39 yoshli Runi.
Futbolchilik faoliyatini yakunlagach, Runi murabbiylik faoliyatini 2019 yilda boshlagan, "Derbi Kaunti" shtabiga qo‘shilgan va tez orada klub bosh murabbiyiga aylangan.
U shuningdek, Amerikaning "Disi Yunayted" va Angliyada - "Birmingem Siti" va "Plimut"ni boshqargan. Uning so‘nggi murabbiylik ishi 2025 yilning yanvarida yakuniga yetgan. Hozirda sobiq forvard Britaniya televideniyesida futbol eksperti va tahlilchisi sifatida faol ishlamoqda.
