Mayamida bo‘lib o‘tgan futbol rasmiylari sammitida FIFA prezidenti Janni Infantino va Braziliya futbol konfederasiyasi (CBF) rahbari Samir Xaud Braziliyada klublar o‘rtasidagi jahon chempionati-2029ni o‘tkazish g‘oyasini muhokama qildi, deb xabar bermoqda O Globo.
Shuningdek, 2023 yilda ayollar o‘rtasidagi jahon chempionatiga mezbonlik qilgan Avstraliya ham turnirni o‘tkazishga qiziqish bildirdi. Biroq, hozircha hech qanday rasmiy arizalar yo‘q, chunki FIFA turnir o‘tkaziladigan joyni tanlash mezonlarini e’lon qilmagan.
Mayamida bo‘lib o‘tgan sammitda FIFAning barcha 211 assosiasiyasi vakillari ishtirok etdi.
