"Kristal Pelas" "Sporting" himoyachisi Usmon Diomandening transferiga qiziqish bildirmoqda, deya xabar beradi insayder Fabrisio Romano.
Tomonlar muzokara olib bormoqda. 21 yoshli ivuarlik futbolchi o‘zini Premyer-ligada sinab ko‘rmoqchi.
Diomandening "Sporting" bilan shartnomasi 2027 yilning yoziga qadar mo‘ljallangan. Transfermarkt futbolchining narxini 45 million yevroga baholamoqda.
2024/25 yilgi mavsumda himoyachi 46 ta o‘yinda maydonga tushib, 2 ta gol urdi va 1 ta golli uzatmani amalga oshirdi.













