Avvalroq Madridning "Real" klubida to‘p tepgan Garet Beyl 2024/25 yilgi mavsum yakunlariga ko‘ra Chempionshipni tark etgan Uelsning "Kardiff Siti" klubini sotib olish niyati borligini ma’lum qildi.
Sobiq futbolchi jamoani sotib olishdan manfaatdor bo‘lgan amerikalik xususiy investorlar konsorsiumiga rahbarlik qilmoqda.
"Biz haqiqatan ham bu bitimdan manfaatdormiz. Bu mening qadrdon klubim, men shu shaharda o‘sganman va egalarining bir qismi bo‘lish men uchun orzu bo‘lardi. Klubda ajoyib muxlislar bor va men uni APLga qaytarishda yordam berishni xohlardim," - deya "Real"ning sobiq futbolchisidan iqtibos keltiradi Goal.
Uning so‘zlariga ko‘ra, ayni paytda investorlar guruhi klub rahbariyati bilan dastlabki aloqalarni olib bormoqda va yaqin kelajakda bitim bo‘yicha ko‘proq aniqlik kiritilishi kutilmoqda.
