"Napoli" hujumi yangi ijodkor o‘yinchi bilan kuchayadi.

Insayder Matteo Morettoning yozishicha, "Napoli" PSV hujumkor yarim himoyachisi Noa Lang bilan shaxsiy shartnoma borasida prinsipial kelishuvga erishgan. Bitim 2030 yilgacha mo‘ljallangan. Futbolchining maoshi soliqlarni hisobga olmaganda yiliga taxminan 2,8 million yevroni tashkil qiladi, shuningdek, futbolchining daromadini sezilarli darajada oshirishi mumkin bo‘lgan bonuslar tizimi ham mavjud.

Oxirgi qadam - PSV bilan murosaga kelish qoldi. Italiya klubi 26 yoshli niderlandiyalik futbolchi uchun 30-35 million yevro to‘lashga, shuningdek, ehtimoliy keyingi sotuvning 10 foizini ham qo‘shishga tayyor. Yaqin soatlarda tomonlar yakuniy moliyaviy tafsilotlarni hal qilish uchun muzokaralarni davom ettiradi.