"Наполи" ҳужуми янги ижодкор ўйинчи билан кучаяди.
Инсайдер Маттео Мореттонинг ёзишича, "Наполи" ПСВ ҳужумкор ярим ҳимоячиси Ноа Ланг билан шахсий шартнома борасида принципиал келишувга эришган. Битим 2030 йилгача мўлжалланган. Футболчининг маоши солиқларни ҳисобга олмаганда йилига тахминан 2,8 миллион еврони ташкил қилади, шунингдек, футболчининг даромадини сезиларли даражада ошириши мумкин бўлган бонуслар тизими ҳам мавжуд.
Охирги қадам - ПСВ билан муросага келиш қолди. Италия клуби 26 ёшли нидерландиялик футболчи учун 30-35 миллион евро тўлашга, шунингдек, эҳтимолий кейинги сотувнинг 10 фоизини ҳам қўшишга тайёр. Яқин соатларда томонлар якуний молиявий тафсилотларни ҳал қилиш учун музокараларни давом эттиради.
