Shotlandiyaning "Reynjers" klubi forvardi Hamza Igamane "Lill"ga o‘tish arafasida turibdi.
Bu haqda jurnalist Sasha Tavolyeri xabar bermoqda. Fransuz klubi 22 yoshli hujumchini yozgi transfer oynasida jamoani tark etishi kutilayotgan Jonatan Devidga o‘rinbosar sifatida ko‘rmoqda. Manbaga ko‘ra, Igamane allaqachon "Lill" bilan shaxsiy shartnoma borasida kelishuvga erishgan. Klublar o‘rtasida transfer bo‘yicha yakuniy muzokaralar davom yetmoqda.
Marokashlik hujumchi 2024/25 yilgi mavsumda 46 ta o‘yinda maydonga tushib, 16 ta gol urgan va sheriklariga 3 ta golli uzatmani amalga oshirgan.













