30 iyun kuni o‘zining 18 yoshini nishonlagan "Liverpul" yarim himoyachisi Treymoris Noni o‘zining ilk professional shartnomasini imzoladi. Bu haqda klub rasmiy sayti xabar berdi.

2023 yilgacha "Lester"da o‘ynagan Nyoni "Liverpul"ning yevrokuboklardagi eng yosh futbolchisiga aylandi va shu yilning yanvar oyida Chempionlar ligasi doirasida "PSV"ga qarshi o‘yinda maydonga tushdi. Uchrashuv vaqtida u 17 yoshu 213 kunlik edi.

"Men bolaligimdan "Liverpul"ni qo‘llab-quvvatlaganman, shuning uchun bu ajoyib tuyg‘u. Endi men nima uchun bu shartnomaga loyiq ekanligimni ko‘rsatishim kerak. Bosqichma-bosqich yaxshilanib, futbolchi sifatida rivojlanib bormoqdaman", - dedi Nyoni "Liverpul" matbuot xizmatiga bergan intervyusida.

O‘tgan mavsumda asosan markaziy yarim himoyachi sifatida to‘p surayotgan Nyoni asosiy tarkibda 5ta o‘yinda maydonga tushdi. Shuningdek, u klubning o‘smirlar va yoshlar jamoalarida o‘ynab, 11 ta o‘yin o‘tkazib, 2 ta gol urdi va 2 ta golli uzatmani amalga oshirdi.