30 июнь куни ўзининг 18 ёшини нишонлаган "Ливерпуль" ярим ҳимоячиси Трейморис Ноьни ўзининг илк профессионал шартномасини имзолади. Бу ҳақда клуб расмий сайти хабар берди.
2023 йилгача "Лестер"да ўйнаган Ньони "Ливерпул"нинг еврокубоклардаги энг ёш футболчисига айланди ва шу йилнинг январь ойида Чемпионлар лигаси доирасида "ПСВ"га қарши ўйинда майдонга тушди. Учрашув вақтида у 17 ёшу 213 кунлик эди.
"Мен болалигимдан "Ливерпул"ни қўллаб-қувватлаганман, шунинг учун бу ажойиб туйғу. Энди мен нима учун бу шартномага лойиқ эканлигимни кўрсатишим керак. Босқичма-босқич яхшиланиб, футболчи сифатида ривожланиб бормоқдаман", - деди Ньони "Ливерпуль" матбуот хизматига берган интервьюсида.
Ўтган мавсумда асосан марказий ярим ҳимоячи сифатида тўп сураётган Ньони асосий таркибда 5та ўйинда майдонга тушди. Шунингдек, у клубнинг ўсмирлар ва ёшлар жамоаларида ўйнаб, 11 та ўйин ўтказиб, 2 та гол урди ва 2 та голли узатмани амалга оширди.
