"Boka Xuniors" yarim himoyachi Leandro Paredesning safga qaytganini e’lon qildi.
Transfermarkt portali xabariga ko‘ra, Buenos-Ayres klubi 31 yoshli futbolchi uchun "Roma"ga 300 ming yevro to‘lagan va u bilan 2028 yilning 31 dekabrigacha shartnoma imzolagan.
Argentina terma jamoasi futbolchisining "Bombonere"dagi taqdimotiga 50 000 dan ortiq muxlis tashrif buyurdi.
Paredes 2010 yildan 2013 yilgacha "Boka"da o‘ynagan. "Zenit" va "PSJ" klubining sobiq yarim himoyachisi so‘nggi 4 mavsumni "Roma" safida o‘tkazgan va 135 o‘yinda 13 gol urgan.













