Belgiyaning "Bryugge" klubi Italiyaning "Inter" klubi bilan tayanch yarim himoyachi Aleksandr Stankovichning transferi borasida deyarli kelishuvga erishdi. Bu haqda Nieuwsblad nashri xabar berdi.
Manbaga ko‘ra, Moskvaning "Spartak" klubi murabbiyining 19 yoshli o‘g‘li 9 million yevro evaziga jamoasini o‘zgartirishi mumkin. Muzokaralar taxminan 2 oy davom etdi va hozir klublar yakuniy tafsilotlarni, jumladan, shartnomadagi qaytarib sotib olish bandini muhokama qilishmoqda.
O‘tgan mavsumda Aleksandr Shveysariyaning "Lyusern" klubida ijara asosida o‘ynadi. U 40 ta o‘yinda 3 ta ogohlantirish oldi, 3 ta gol urdi va 2 ta golli uzatmani amalga oshirdi.
