Бельгиянинг "Брюгге" клуби Италиянинг "Интер" клуби билан таянч ярим ҳимоячи Александр Станковичнинг трансфери борасида деярли келишувга эришди. Бу ҳақда Nieuwsblad нашри хабар берди.
Манбага кўра, Москванинг "Спартак" клуби мураббийининг 19 ёшли ўғли 9 миллион евро эвазига жамоасини ўзгартириши мумкин. Музокаралар тахминан 2 ой давом этди ва ҳозир клублар якуний тафсилотларни, жумладан, шартномадаги қайтариб сотиб олиш бандини муҳокама қилишмоқда.
Ўтган мавсумда Александр Швейцариянинг "Люцерн" клубида ижара асосида ўйнади. У 40 та ўйинда 3 та огоҳлантириш олди, 3 та гол урди ва 2 та голли узатмани амалга оширди.
