«Атлетико»нинг Хулиан Альваресни «Барселона»га сотишдан бош тортганини инобатга олган ҳолда, Каталония клуби ҳужум чизиғини кучайтириш учун муқобил вариантларни изламоқда.
Испаниянинг Sport нашри хабарига кўра, «Барселона» бош мураббийи Ханс-Дитер Флик ва клуб спорт директори Декуни «Борнмут» ўйинчиси Эли Жуниор Крупи кўпроқ қизиқтирмоқда. Бироқ, жиддий муаммо мавжуд — Англия Премьер-лигаси клуби футболчи учун белгилаган 100 миллион евролик нарх «Барса» учун кўтариб бўлмас юкдир.
«Барселона»нинг узоқ муддатли рўйхатида бошқа ҳужумчилар ҳам бор, улар қаторида Лаутаро Мартинес, Беньямин Шешко ва Душан Влахович ҳам ўрин олган.
