«Atletiko»ning Xulian Alvaresni «Barselona»ga sotishdan bosh tortganini inobatga olgan holda, Kataloniya klubi hujum chizig‘ini kuchaytirish uchun muqobil variantlarni izlamoqda.
Ispaniyaning Sport nashri xabariga ko‘ra, «Barselona» bosh murabbiyi Xans-Diter Flik va klub sport direktori Dekuni «Bornmut» o‘yinchisi Eli Junior Krupi ko‘proq qiziqtirmoqda. Biroq, jiddiy muammo mavjud — Angliya Premyer-ligasi klubi futbolchi uchun belgilagan 100 million yevrolik narx «Barsa» uchun ko‘tarib bo‘lmas yukdir.
«Barselona»ning uzoq muddatli ro‘yxatida boshqa hujumchilar ham bor, ular qatorida Lautaro Martines, Benyamin Sheshko va Dushan Vlaxovich ham o‘rin olgan.
