"Manchester Yunayted" vingeri Alexandro Garnacho tez orada klubini o‘zgartiradi.

"Qizil iblislar" bosh murabbiyi Ruben Amorim argentinalik futbolchiga ishonmayapti, shu bois u yoz boshidan buyon yangi klub izlamoqda. Give Me Sport xabariga ko‘ra, "Manchester Yunayted" iyul oyi oxirigacha xaridor topilishiga umid qilmoqda. Garnachoga ayni damda "Tottenxem", "Chelsi" va "Aston Villa" klublari qiziqish bildirmoqda - mankunianliklar rahbariyati 21 yoshli futbolchini kelajagi borasida tezroq bir qarorga kelishga chaqirmoqda.

Alexandro Garnacho o‘tgan mavsum "MYU" safida 58 ta o‘yinda 11 ta gol va 10 ta golli uzatmani o‘z hisobiga yozdirib qo‘ydi. Transfermakt talqiniga ko‘ra, futbolchining narxi 45 mln yevroni tashkil etadi.