Turkiyaning "Fenerbaxche" klubi ukrainalik futbolchi, "Arsenal"ning chap vingeri Aleksandr Zinchenko bilan bog‘liq vaziyat bilan qiziqdi.
Bu haqda jurnalist Serkan Hamzao‘g‘li X ijtimoiy tarmog‘ida ma’lum qildi.
Manbaga ko‘ra, "Fenerbaxche" sport direktori Devin Ozek ukrainalik futbolchi bo‘yicha Angliyada "Arsenal" sport direktori Andrea Berta bilan allaqachon uchrashgan.
"Kanonirlar" futbolchining transferi uchun taxminan 15 million yevro olishni istashlarini bildirishgan.
Ta’kidlanishicha, agar "Fenerbaxche" Zinchenko bilan shartnoma shartlarini kelishib olsa, "Arsenal" ularni muzokaralarda kutib olishga tayyor.
