Kecha poytaxtimizdagi “Tashkent City Mall” savdo markazida hamyurtlarimiz uchun stol tennisi kuniga bag‘ishlangan tadbir bo‘lib o‘tdi.
Unda Sport vazirligi, Milliy Olimpiya qo‘mitasi va O‘zbekiston stol tennisi federasiyasi mutasaddilari ishtirok etishdi.
Ushbu tadbir aholi, ayniqsa yoshlar orasida sog‘lom turmush tarzini targ‘ib qilish, stol tennisining ommaviyligini oshirish va sportga qiziqishni kuchaytirish maqsadida o‘tkazildi. Do‘stona bellashuvlar va ko‘rgazmali o‘yinlar davomida qatnashchilar o‘z mahoratlarini namoyish etishdi.
Rasmiylar bunday tadbirlar orqali mamlakatimizda stol tennisi rivojiga qo‘shimcha turtki berish, aholining sport orqali faolligini yanada oshirish mumkinligini ta’kidladilar.
