"Nyukasl" klubi matbuot xizmati klub forvardi Aleksandr Isakning so‘zlariga bayonot berdi. Shvesiyalik forvard avvalroq klub rahbariyati uni aldagani haqida o‘z ijtimoiy tarmoqlarida yozgan edi.

«Uning so‘zlaridan hafsalamiz pir bo‘ldi. Klubning hech bir vakili uning yozda "Nyukasl"ni tark etishi mumkinligiga kafolat bermagan. Uning amaldagi shartnomasi bor. Har qanday qarorni qabul qilishda biz doim "Nyukasl" va muxlislarimiz manfaatlarini hisobga olishimiz kerak. Va biz sotuv shartlari o‘zgarmaganini aniq ko‘rsatdik. Shu bilan birga, Isak oilamizning bir qismi bo‘lib qoladi, u jamoadoshlariga qo‘shilishga tayyor bo‘lganida uning qaytishidan xursand bo‘lamiz», - deyiladi klub bayonotida.