"Ньюкасл" клуби матбуот хизмати клуб форварди Александр Исакнинг сўзларига баёнот берди. Швециялик форвард аввалроқ клуб раҳбарияти уни алдагани ҳақида ўз ижтимоий тармоқларида ёзган эди.
«Унинг сўзларидан ҳафсаламиз пир бўлди. Клубнинг ҳеч бир вакили унинг ёзда "Ньюкасл"ни тарк этиши мумкинлигига кафолат бермаган. Унинг амалдаги шартномаси бор. Ҳар қандай қарорни қабул қилишда биз доим "Ньюкасл" ва мухлисларимиз манфаатларини ҳисобга олишимиз керак. Ва биз сотув шартлари ўзгармаганини аниқ кўрсатдик. Шу билан бирга, Исак оиламизнинг бир қисми бўлиб қолади, у жамоадошларига қўшилишга тайёр бўлганида унинг қайтишидан хурсанд бўламиз», - дейилади клуб баёнотида.
