Iyun oyi o‘rtalarida Italiya terma jamoasi bosh murabbiyi lavozimini Jennaro Gattuzo egalladi. Bu borada o‘z vaqtida Gattuzoga murabbiylik qilgan taniqli mutaxassis Karlo Anchelotti o‘z fikrlarini bildirdi.
"Gattuzo Italiya terma jamoasiga murabbiy bo‘ladi, deb hech o‘ylamagandim. Lekin u bunga loyiq. Unda xarakter bor, shaxsiy fazilatlar bor. Men u bilan jahon chempionatida uchrashishga umid qilaman. Spalletti qiyinchiliklarga duch kelishini kutmagandim", - dedi Anchelotti Il Giornale nashriga bergan intervyusida.
Sentyabr oyida Italiya terma jamoasi JCH-2026 saralashi doirasida Estoniya (uyda) va Isroilga (safarda) qarshi o‘yinlar o‘tkazadi.













