Июнь ойи ўрталарида Италия терма жамоаси бош мураббийи лавозимини Женнаро Гаттузо эгаллади. Бу борада ўз вақтида Гаттузога мураббийлик қилган таниқли мутахассис Карло Анчелотти ўз фикрларини билдирди.
"Гаттузо Италия терма жамоасига мураббий бўлади, деб ҳеч ўйламагандим. Лекин у бунга лойиқ. Унда характер бор, шахсий фазилатлар бор. Мен у билан жаҳон чемпионатида учрашишга умид қиламан. Спаллетти қийинчиликларга дуч келишини кутмагандим", - деди Анчелотти Il Giornale нашрига берган интервьюсида.
Сентябрь ойида Италия терма жамоаси ЖЧ-2026 саралаши доирасида Эстония (уйда) ва Исроилга (сафарда) қарши ўйинлар ўтказади.













