Jek Grilish "Brayton" ustidan qozonilgan g‘alabadan so‘ng o‘z his-tuyg‘ulari bilan o‘rtoqlashdi.
APLning 2-turida "Everton" o‘z maydonida 2:0 hisobida g‘alaba qozondi. Jamoaga "Manchester Siti"dan ijara asosida kelgan Grilish ikkita golli uzatmani amalga oshirdi.
"Biz o‘yin oldidan muxlislar uchun shou ko‘rsatmoqchi ekanligimizni aytdik. Bu klubning o‘zi uchun katta kun bo‘ldi, yangi stadion ochildi. Ajoyib kun. O‘ylaymanki, biz buni barcha muxlislarga bag‘ishladik.
Men uchun assistentlik qilish ham muhim. Futbolda gol urish juda muhim, ammo Kevin De Bryuyne bilan o‘ynab, undan ko‘p narsani o‘rgandim. Shaxsan menimcha, gol urish kabi assistentlik ham muhim. Jamoadoshlaringizga assistentlik qilish o‘zgacha tuyg‘u. Men faqat bu klubga o‘z hissamni qo‘shishni xohlayman va umid qilamanki, biz oldinga intilamiz, ko‘proq gol uramiz va ko‘proq assistentlik qilamiz.
Men o‘zimni ajoyib his qildim. Bu yaxshi edi. Men ilgari "Manchester Siti"da o‘zimni erkin his qilmaganman demayman. Bugun ozmi-ko‘pmi xohlaganimni qila olardim va biroz erkinlik bilan o‘ynardim. Ko‘proq tavakkal qilish kerak. Men buni qilgandek his qilaman.
Jamoaning o‘yinidan juda xursand bo‘ldim, o‘zim ham. Oxirgi marta aprel yoki mart oylarida to‘liq 90 daqiqa o‘ynaganman, menimcha. Taxminan to‘rt-besh oy oldin. O‘ylaymanki, men bugun eng yaxshi holatda emas edim. Umid qilamanki, men ko‘p narsalarni qila olaman. Bu stadionda bu jamoa uchun o‘ynash yoqimli", - dedi "Everton" yarim himoyachisi.
