"Manchester Yunayted"ning sobiq hujumchisi Ueyn Runi Ruben Amorim boshchiligidagi klubning yangi mavsumdagi o‘yinlari haqidagi taassurotlari bilan o‘rtoqlashdi.
"U barchasini o‘zgartirishini juda istardim, ammo ba’zida biz juda shoshayotgan bo‘lishimiz mumkin, chunki "Manchester Yunayted" ko‘pchilikning e’tiborini tortmoqda va mavsumda atigi ikkita o‘yin o‘tkazildi. Xavotirlisi, o‘tgan mavsumda ham xuddi shunday holatni ko‘rgan edik. Bu xavotir uyg‘otadi", - dedi angliyalik sobiq futbolchi.
Eslatib o‘tamiz, Amorim "MYU"ni o‘tgan qishda qabul qilib olgan edi. Portugaliyalik murabbiy qo‘l ostida klub APL turnir jadvalining ikkinchi yarmidan ko‘tarila olmadi, shuningdek, Yevropa Ligasi finalida "Tottenxem"ga yutqazdi.
