"Манчестер Юнайтед"нинг собиқ ҳужумчиси Уэйн Руни Рубен Аморим бошчилигидаги клубнинг янги мавсумдаги ўйинлари ҳақидаги таассуротлари билан ўртоқлашди.
"У барчасини ўзгартиришини жуда истардим, аммо баъзида биз жуда шошаётган бўлишимиз мумкин, чунки "Манчестер Юнайтед" кўпчиликнинг эътиборини тортмоқда ва мавсумда атиги иккита ўйин ўтказилди. Хавотирлиси, ўтган мавсумда ҳам худди шундай ҳолатни кўрган эдик. Бу хавотир уйғотади", - деди англиялик собиқ футболчи.
Эслатиб ўтамиз, Аморим "МЮ"ни ўтган қишда қабул қилиб олган эди. Португалиялик мураббий қўл остида клуб АПЛ турнир жадвалининг иккинчи ярмидан кўтарила олмади, шунингдек, Европа Лигаси финалида "Тоттенхэм"га ютқазди.
