Germaniya terma jamoasining sobiq futbolchisi Mixael Ballak yozda "Bayer"dan "Liverpul"ga o‘tgan hamyurti Florian Virs transferi haqida fikr bildirdi.
"Nega "Bavariya" emas? Florian uchun buning ma’nosi yo‘q edi. Germaniya chempionati unga qiyinchilik tug‘diradi, deb o‘ylamayman. Bundesliga anchadan beri APLdan kuchsizroq. Bu haqiqat. Shuning uchun Germaniya chempionati top-futbolchilar uchun jozibador emas," - deya Ballakning so‘zlarini keltiradi Bild.
Virs Mersisayd grandiga 125 million yevro evaziga o‘tdi. 22 yoshli germaniyalik yarim himoyachi "qizillar" bilan 5 yillik mehnat shartnomasini imzoladi.













