Германия терма жамоасининг собиқ футболчиси Михаэль Баллак ёзда "Байер"дан "Ливерпуль"га ўтган ҳамюрти Флориан Вирц трансфери ҳақида фикр билдирди.
"Нега "Бавария" эмас? Флориан учун бунинг маъноси йўқ эди. Германия чемпионати унга қийинчилик туғдиради, деб ўйламайман. Бундеслига анчадан бери АПЛдан кучсизроқ. Бу ҳақиқат. Шунинг учун Германия чемпионати топ-футболчилар учун жозибадор эмас," - дея Баллакнинг сўзларини келтиради Bild.
Вирц Мерсисайд грандига 125 миллион евро эвазига ўтди. 22 ёшли германиялик ярим ҳимоячи "қизиллар" билан 5 йиллик меҳнат шартномасини имзолади.
