Kataloniyaning «Barselona» klubi sobiq hujumchisi Martin Breytueyt Lionel Messining jamoadan ketishi haqida o‘z fikrlarini bildirdi.
«Men uchun bu juda g‘alati bo‘lgan edi. Hamma Leo bilan yangi shartnoma imzolanadi, deb o‘ylagandi, ammo u kutilmaganda ketdi. Messi bunaqa xayrlashuvga loyiq emas edi. Agar u o‘z vidolashuv uchrashuvi uchun «Kamp Nou»ga qaytsa, bu ajoyib bo‘ladi. U bunga arziydi», — deya Braytvaytning so‘zlarini Globo nashri keltiradi.
Eslatib o‘tamiz, argentinalik yulduz 2021 yil yozida «Barselona»ni tark etgandi. Keyingi ikki mavsumni u Fransiyaning «PSJ» klubida o‘tkazdi. Hozirgi kunda 38 yoshli forvard AQSHning «Inter Mayami» jamoasi sharafini himoya qilmoqda.
