Каталониянинг «Барселона» клуби собиқ ҳужумчиси Мартин Брэйтуэйт Лионель Мессининг жамоадан кетиши ҳақида ўз фикрларини билдирди.
«Мен учун бу жуда ғалати бўлган эди. Ҳамма Лео билан янги шартнома имзоланади, деб ўйлаганди, аммо у кутилмаганда кетди. Месси бунақа хайрлашувга лойиқ эмас эди. Агар у ўз видолашув учрашуви учун «Камп Ноу»га қайтса, бу ажойиб бўлади. У бунга арзийди», — дея Брайтвайтнинг сўзларини Globo нашри келтиради.
Эслатиб ўтамиз, аргентиналик юлдуз 2021 йил ёзида «Барселона»ни тарк этганди. Кейинги икки мавсумни у Франциянинг «ПСЖ» клубида ўтказди. Ҳозирги кунда 38 ёшли форвард АҚШнинг «Интер Майами» жамоаси шарафини ҳимоя қилмоқда.













