"Bavariya" hujumchisi Xarri Keyn Chempionlar ligasi boshlanishidan oldin o‘zining formasi haqida gapirdi. Angliyalik o‘z qobiliyatiga ishonch bildirdi. "Men har doim o‘zimga va gol urish qobiliyatimga ishonaman.
"Bavariya"ning o‘yin uslubi menga juda mos keladi. Hozir o‘zimni juda ishonchli his qilyapman. Men yaxshi formadaman. Agar biz jamoa bo‘lib yaxshi o‘ynasak, ko‘p gollar uraman", - dedi Keyn matbuot anjumanida.
Chempionlar ligasi umumiy bosqichining birinchi turini "Bavariya" o‘z maydonida "Chelsi"ga qarshi o‘tkazadi.
Xarri Keyn "Bavariya" safida jami 101 ta o‘yin o‘tkazgan. Ularda forvard 93 ta gol urgan va jamoadoshlariga 29 ta golli uzatma bergan.
