"Бавария" ҳужумчиси Харри Кейн Чемпионлар лигаси бошланишидан олдин ўзининг формаси ҳақида гапирди. Англиялик ўз қобилиятига ишонч билдирди. "Мен ҳар доим ўзимга ва гол уриш қобилиятимга ишонаман.
"Бавария"нинг ўйин услуби менга жуда мос келади. Ҳозир ўзимни жуда ишончли ҳис қиляпман. Мен яхши формадаман. Агар биз жамоа бўлиб яхши ўйнасак, кўп голлар ураман", - деди Кейн матбуот анжуманида.
Чемпионлар лигаси умумий босқичининг биринчи турини "Бавария" ўз майдонида "Челси"га қарши ўтказади.
Харри Кейн "Бавария" сафида жами 101 та ўйин ўтказган. Уларда форвард 93 та гол урган ва жамоадошларига 29 та голли узатма берган.
