«Реал» ўз расмий сайтида Винисиус Жуниор ҳақида эълон жойлаштирди. Мадрид клуби бразилиялик футболчининг таътилдан сўнг клуб ихтиёрига қайтганини маълум қилди.

Дўшанба куни эрталаб Винисиус тиббий кўрикдан ўтди ва янги мавсумга тайёргарлик доирасидаги илк машғулотини ўтказди.

Маълумки, Винисиус 2026/2027 йилги мавсумга тайёргарликни Жаҳон чемпионатида Бразилия терма жамоаси шарафини ҳимоя қилгани сабабли эндигина бошламоқда.

Сўнгги кунлар ва ҳафталарда матбуотда Винисиус Жуниорнинг келажаги ҳақида кўплаб хабарлар пайдо бўлди. Миш-мишларга кўра, шартномани узайтириш бўйича музокаралардаги муаммолар фонида бразилиялик футболчи «Реал»дан кетиши мумкин.