«Real» o‘z rasmiy saytida Vinisius Junior haqida e’lon joylashtirdi. Madrid klubi braziliyalik futbolchining ta’tildan so‘ng klub ixtiyoriga qaytganini ma’lum qildi.

Do‘shanba kuni ertalab Vinisius tibbiy ko‘rikdan o‘tdi va yangi mavsumga tayyorgarlik doirasidagi ilk mashg‘ulotini o‘tkazdi.

Ma’lumki, Vinisius 2026/2027 yilgi mavsumga tayyorgarlikni Jahon chempionatida Braziliya terma jamoasi sharafini himoya qilgani sababli endigina boshlamoqda.

So‘nggi kunlar va haftalarda matbuotda Vinisius Juniorning kelajagi haqida ko‘plab xabarlar paydo bo‘ldi. Mish-mishlarga ko‘ra, shartnomani uzaytirish bo‘yicha muzokaralardagi muammolar fonida braziliyalik futbolchi «Real»dan ketishi mumkin.