X ижтимоий тармоғида 100 мингдан ортиқ кузатувчисига эга журналист Фран Касареттонинг хабар беришича, «Интер Майами» ҳужумчиси Лионель Месси ҳозирча миллий терма жамоадаги фаолиятини якунламоқчи эмас.
Манбанинг аргентиналик футболчининг атрофидаги инсонлардан олган маълумотига кўра, 39 ёшли ҳужумчи Аргентина терма жамоасидаги фаолиятини давом эттиришни режалаштирмоқда.
«Лионель Мессига яқин манбалардан олинган маълумотларга кўра, у ҳозирча халқаро фаолиятини якунлашни режалаштирмаяпти. Месси Аргентина терма жамоасидаги иштирокини 2028 йилги Америка Кубогидан сўнг якунлаши кутилмоқда», — деб ёзди Касаретто X ижтимоий тармоғида.
Эслатиб ўтамиз, бўлиб ўтган Жаҳон чемпионатида Месси бошчилигидаги Аргентина терма жамоаси финалда Испанияга имкониятни бой бериб, иккинчи ўринни эгаллаган эди.
