El Chiringuito TV маълумотига кўра, «Барселона» Рафиньянинг терма жамоадаги жароҳатидан сўнг Бразилия бош мураббийи Карло Анчелоттидан қаттиқ норози бўлиб турибди.

«Барселона» сардори Австралияга қарши биринчи ўртоқлик учрашувида тўлиқ 90 дақиқа майдонда ҳаракат қилган эди. Шунга қарамай, у кеча Австралияга қарши навбатдаги ўйинни ҳам асосий таркибда бошлади. Рафинья пенальтидан гол урган бўлса-да, сон қисмида ноқулайлик ҳис қилгани учун танаффусда алмаштирилди.

Каталония клуби Анчелоттининг Рафиньянинг ўйин вақтини бошқариш услубидан ва ғалабадан кейин футболчининг ҳолати ҳақида аниқ маълумот бермаганидан норози.

Яхши томони, 29 ёшли футболчи жиддий жароҳатдан қутулиб қолган. Хабарларга кўра, унда фақат шиш аниқланган ва шу сабаб тахминан 10 кун майдонга туша олмаслиги мумкин.

Рафинья Бразилия терма жамоаси қароргоҳини тарк этди ва қўшимча тиббий текширувлардан ўтиш учун «Барселона»га қайтиб боради.

Ҳозирча футболчининг Ла Лига қайта бошланганидан кейин «Хетафе»га қарши ўйинга тайёр бўлиши мумкинлиги борасида умид бор.