Angliya Premyer-ligasining grand klublari Turinning "Yuventus" klubi markaziy himoyachisi transferi uchun kurash olib boradi.

TEAMtalk nashri manbalariga ko‘ra, Igor Tudor jamoasining asosiy futbolchilaridan biri bo‘lgan 28 yoshli Bremerga "Manchester Yunayted", "Liverpul" va "Chelsi" klublari vakillari faol qiziqish bildirmoqda.

Braziliyalik futbolchining "Yuventus" bilan amaldagi shartnomasi 2029 yilning iyun oyi oxirigacha mo‘ljallangan bo‘lib, uning bozor narxi mashhur Transfermarkt portali ma’lumotlariga ko‘ra, 50 million yevroga baholanmoqda.

Bremer joriy mavsum "Yuventus" safida barcha musobaqalarda 4 ta o‘yinda 2 ta golli uzatmani amalga oshirdi. U "keksa sinyora" safida jami 95 ta o‘yinda 8 ta gol va 4 ta golli uzatma bergan.