Англия Премьер-лигасининг гранд клублари Туриннинг "Ювентус" клуби марказий ҳимоячиси трансфери учун кураш олиб боради.
TEAMtalk нашри манбаларига кўра, Игор Тудор жамоасининг асосий футболчиларидан бири бўлган 28 ёшли Бремерга "Манчестер Юнайтед", "Ливерпуль" ва "Челси" клублари вакиллари фаол қизиқиш билдирмоқда.
Бразилиялик футболчининг "Ювентус" билан амалдаги шартномаси 2029 йилнинг июнь ойи охиригача мўлжалланган бўлиб, унинг бозор нархи машҳур Transfermarkt портали маълумотларига кўра, 50 миллион еврога баҳоланмоқда.
Бремер жорий мавсум "Ювентус" сафида барча мусобақаларда 4 та ўйинда 2 та голли узатмани амалга оширди. У "кекса синьора" сафида жами 95 та ўйинда 8 та гол ва 4 та голли узатма берган.
